O traxe do Cabreiro do Concello de Muiños representa a figura dos “Cabreiros” como imaxe representativa e diferenciadora do Entroido deste municipio. A orixe do primeiro traxe do que se ten razón deuse no pobo de Vilar de Cas, na zona da porta da Limia.

Conta a tradición que antigamente os Cabreiros saían as rúas a bater as chocas, dun xeito incansable e estarrecedor, co lixeiro “Anuncio” que faían ás doce da noite do sábado para prepararse para a Gran Cabuxada de domingo. Empurrábanse colocando o ombreiro propio co do contrincante, premendo ata que cedía o contrario, pero sen dar empurróns secos para evitar as lesións. Esto facíase tamén a modo de danza ou ritual bebendo nas fontes da historia, de xeito que as cabras agachaban a cornamenta co ademán de chocar, para chegar a altura do que ven enfrente mudando lixeiramente a traxectoria para evitar pasar o lado. O Entroido complétase cunha festa de exaltación do cabrito asado. Guisado e preparado seguindo as segredas receitas tradicionais que gardan as cociñeiras da bisbarra.

​

Esta figura recuperouse no ano 2004 debido a crecente fervor popular dos veciños polas festas do entroido, e ante a petición unánime dos veciños, a través do tradicional “Cabreiro”. O traxe que auna tradición e cultura propia, representa a identidade deste municipio e o diferencia das comunidades veciñas, foi diseñado por America Soto e está composto por:

​

• Cabeza: semella a cabeza dunha cabra, con duas perillas a cada lado da mandíbula.

• Camisa: confeccionada en tela de lino 100%, con 4 botóns no peito, 3 botóns nos puños e 7 lorzas en cada manga.

• Chaleco: confeccionado en tela vermella 100% con pasamanerías de algodón 100% en vermello e dourado.

• Pantalón: confeccionado en Antelina negra con pasamanerías de algodón 100% en vermello e dourado, e pódese levar faixa se se quixera.

• Polainas: confeccionadas 100% do cor do testuz con pasamanerías de algodón 100% en vermello e dourado.

• Capa: de cor negro con cintas e chocallos pequeniños.

• Zurrón: de pel de cabra ou da mesma cor que o material da cabeza.

• Cinto: de coiro con seis ou máis chocallos de ovella.

• Nas máns levará un corno.

​

O traxe do Cabreiro foi cedido recentemente o Museo do Entroido do Xinzo de Limia para ser exposto no mesmo.