• 2 vehículos todoterreo.

• 1 vehículo de primeira intervención, o cal porta un pequeno equipo de extinción de 400 l, extintores, material de sinalización e balizamento, equipo de excarcelación, escadas, material de rescate e inmovilización, motoserras, lazo para recollida de animais feridos, absorbentes de hidrocarburos e outro material funxible de distinto tipo.

• Bomba Rural Pesada (motobomba) con capacidade de 3000 l e equipada con mangueiras de distintos diámetros, lanzas, bifurcacións, reduccións, xerador de espuma.

• Vehículo Nodriza: un camión con 4000 l de capacidade e equipado con mangueiras de distintos diámetros, lanzas, bifurcacións, reduccións.

• 2 embarcacións neumáticas de 3,85 m de eslora e unha de 6 m de eslora.

As funcións do Grupo de Emerxencias son:

• A prevención, vixilancia e rehabilitación do normal desenvolvemento das infraestructuras municipais.

• A intervención en incendios urbáns co obxectivo de prestar unha atención rápida nos primeiros  minutos  para  garantir  a  integridade  física  das  persoas  afectadas  e, na medida das súas posibilidades, a dos bens materiais.

• Accidentes de tráfico, excarceracións e rehabilitación e limpeza das vías afectadas polos mesmos.

• Apertura de portas en caso de extrema gravidade e cando así o solicitan as Forzas e Corpos de Seguridade do Estado.

• Intervención rápida en incendios forestais ata a chegada dos medios propios da Administración Autonómica (SPDCIF), tendo como principal obxectivo a salvagarda e protección das posibles vidas ou dos bens inmobles en perigo.

• Colaboración na elaboración dos plans de emerxencia e autoprotección das dependencias municipais, centro escolar e lugares públicos de gran aforo deste municipio cos conseguintes programas de formación e simulacros necesarios establecidos para garantir o perfecto desenvolvemento dos mesmos.

• Actuación en inundacións e anegamentos, supervisión das presas en colaboración con Unión Fenosa, inclemencias meteorolóxicas, temporais, caída  de árbores e outros acaecementos similares.

• Prevención   de   inundacións   e   anegamentos,   procedendo   á   limpeza   e mantemento de beiravías, sumidoiros de augas pluviais e similares, en colaboración cas brigadas municipais de obras e servizos.

• Realización de podas preventivas co fin de evitar caídas de árbores ou outra vexetación, protexendo así bens de dominio público tales como camiños, rúas ou estradas.

• Identificación e comunicación de animais abandoados, feridos ou mortos.

• Coordinación do Plan SAPRAGA que implica a vixiancia  das  piscinas  e  zonas  fluviais  habilitadas  para  o  baño no encoro das Conchas e de Salas durante os meses comprendidos entre xuño e setembro.

• Prestar a colaboración necesaria á Garda Civil de Lobios nos casos nos que esta o solicite.

• Efectuar o reparto de alimentos dos programas de axuda ás persoas máis desfavorecidas ou outros colectivos dictaminados pola Alcaldía de Muiños.