Orografía

Distínguense tres unidades de relieve. En primeiro lugar, a área máis meridional, formada polas estibacións da Serra do Xurés, que sirve de fronteira con Portugal, e onde se acadan as alturas máis importantes, superando moitos casos os 1.000 metros, como en Fontefría, Rechao, etc. Unha segunda unidade, que ocupa case dous tercios do municipio, é a zona montañosa intermedia atravesada polo río Salas, con alturas un pouco inferiores pero superando facilmente os 800 metros, como Facho ou Montes de Pazo entre outros; estes montes representan a transición cara á terceira unidade, o val do río Limia. Nel agrúpanse os máis importantes núcleos de poboación, e alternan os espacios abertos con sectores máis encaixados, como ocorre sobre todo na cercanía do encoro de As conchas.