Patrimonio

Rutas de Santuarios Marianos no Concello de Muiños.

CARACTERÍSTICAS:

Construído no monte da Clamadoira ao final do século XVII, o templo consta de dous corpos con campanario de espadaña, sacristía e palco para a misa adosados á estrutura.

Está encravado no pobo de Barrio de Muiños da parroquia de Santa Mariña de Cados.

O seu precioso retablo barroco é obra de artistas comarcanos do século XVIII.

Ofrece unhas vistas pintorescas insuperables, tanto na tempada de verán como no inverno, co encoro das Conchas ao fondo.

Os romeiros da Clamadoira son todos os veciños/as do Concello, moitos de Ourense e Vigo así como do país veciño, Portugal.

A festa da Virxe da Clamadoira celébrase o segundo domingo de setembro, agás cando coincide a día 8. Neste caso pasaría ao terceiro domingo.

1/4

CARACTERÍSTICAS:

Está encravado no pobo do Santuario e pertence á parroquia de Santiago de Couso de Salas. Trátase dun templo inacabado polas dificultades que puxo o Santuario homónimo do Monte Medo a quen pretendía emular.

É unha edificación monumental de arquitectura barroca culta, pertencente ao século XVIII. O seu retablo é baldaquino do mesmo século, consistente nunha imitación popular do baldaquino da Capela de Santo Cristo na Catedral de Ourense.

Os romeiros dos Milagres son de Muiños, de Calvos de Randín, de Baltar e dos Blancos. Tamén ven moita xente dos pobos arraianos do veciño país de Portugal.

A súa festa celébrase o día 8 de setembro.

1/3

CARACTERÍSTICAS:

O Santuario pertence á parroquia de Santiago de Requiás, dentro do noso Concello.

Trátase dun templo construido no monte do Castro en Guntumil, de estilo barroco e pertencente ao século XVII. Consta de dous corpos e sacristía adosada.

A Nosa Señora do Castro ten dúas imaxes aparentemente de vestir, aínda que son tallas barrocas de finais do século XVII.

Os seus devotos son do val do Salas, tanto de España coma de Portugal.

A festa da Virxe do Castro celébrase o día 15 de agosto con subida e baixada dende a parroquia ao santuario e viceversa.

1/4

CARACTERÍSTICAS:

Templo humilde e perfectamente restaurado cun cabildo que, ademais de acoller aos romeiros, proporcionalle unha maior elegancia.

De arquitectura barroca popular, está datado de finais do século XVIII. O seu retablo é tamén do mesmo século con imáxenes de gran interés artístico.

Os romeiros da Aparecida son, ademáis dos do concello de Muiños, das poboacións de montaña cercanas: Calvos de Randín, Baltar, os Blancos. Tamén dos pobos arraianos de Portugal.

A súa contorna ofrece unhas vistas pintorescas da Serra do Xurés. A conexión coa natureza é única coas corredoiras e sendeiros próximos ao Templo, ideais para facer deporte e pasear.

Trátase do santuario de máis relixiosidade do Concello.

A festa da Virxe da Aparecida celébrase o derradeiro domingo do mes de agosto.

1/4